حماس وال 100 دولار المغموسة بسم التنازلات ||
التاريخ: السبت 02 مايو 2020
الموضوع: متابعات إعلامية


حماس وال 100 دولار المغموسة بسم التنازلات ||


حماس وال 100 دولار المغموسة بسم التنازلات ||

منذ الفترة الماضية وقد شاهدنا حماس تأخذ تحت جناحها الجهاد الاسلامي والجبهتين الشعبية والديمقراطية وتحاول زيادة عدد الفصائل التي تساندها فقامت بإنشاء حركات مثل حركة الأحرار وشبيهاتها من الفصائل بغزة التي تصفق مع حماس.

قامت حماس وبدعم من الإخوان المتأسلمين والشاباك الإسرائيلي بعمل ما سميت بمسيرات العودة الكبرى وأصبح المواطن الغزي يقنع نفسه أنه سيصحو من النوم ويلقى نفسه في داخل مستوطنات غلاف غزة والبلدات المحتلة ويخيل له بأنه سيحررها لدرجة أنه في يوم الأحد الأسود الثلاثون من مارس قبيل عامين عبت حماس فكريا للأطفال بأنهم سيعيدون  البلاد في هذا اليوم وقد تظاهر الآلاف من المواطنين والذين بعضهم خرج مقابل كبونة أو 200 شيكل نقدا حتى تمتلئ الحدود وبدأت المواجهات وحضر آنذاك القيادي الانقلابي أحد قتلة الشهيد سميح المدهون رحمه الله وأسكنه فسيح جناته وهو الحاقد الأسود بيان أبو نار وبدأ يدخل الحمية في قلوب الشباب وقال لهم اليوم هو يوم التحرير والله سنصلي العصر في كيبوتس بئيري في غلاف غزة والمشكلة الشباب صدقوه فقام بسحب مسدسه وأطلق النار تجاه المكعبات الاسمنتية التي صنعها الاحتلال كدشم محصنة يختبؤون بها ولا يؤثر بها صاروخ وبعدها قام العدو الصهيوني بإطلاق الرصاص الحي بشكل جنوني كما اوقع عشرات الشهداء والجرحى الذين لا تزال دماؤهم برقبة هذا الانقلابي وهذه الحادثة كانت شرق البريج وسط قطاع غزة

حوادث وشواهد كثيرة حدثت في مسيرات العهر الحمساوية سنتحدث عنها لاحقا

الجهاد الإسلامي والفصائل حتى تستطيع حماس بأي تجعل منهم دمى تسير على الريموت قالت لهم حماس بأن خالد البطش هو مسؤول المسيرات وشيل يا كبير الراس وسوق فيها يا قائد

المشكلة لو ضل الجهاد برة اللعبة كان اليوم الكل بحترمه وبقدره كفصيل مقاوم له تاريخه في الصراع الفلسطيني الاسرائيلي لكن متل القرعة إلي بتتباهى بشعر بنت جيرانها همة بالوجه وحماس لقبض الدولارات.

أجة المندوب السامي القطري محمد العمادي بعته سيده القرضاوي وكبيره نتنياهو لمين بعته لحماس بغزة خدوا كل المصاري وبدكم توقفوا المسيرات ، حماس ردت وما المانع من إيقافها طالما هناك مصلحة حمساوية عليا بالفعل ما صدقوا وتيجي الحجة كورونا والعالم يقول ممنوع التجول وسيادة الرئيس أبومازن يعلن الطوارئ راحوا الحمساوية وقفوا المسيرات طبعا خايفين عالناس قصدي خايفين على الدولارات

صارت هالقصة كل راس شهر ببعت نتنياهو هالأموال لحماس عن طريق الحج العمادي رضي الله عنه وحماس بتكذب على هالشعب  وكل شهر بنسمع بالملايين رايحة وجاية وما حد منا بياخد إشي

بقولوا للناس الدفعة هادي 100 ألف عائلة حتاخد من المنحة الإسرائيلية المغطية بغطاء قطري طيب خدوا عندكم 》》

أى 100 عائلة اللي بياخدوا 》》

10 آلاف عائلة من الشؤون الاجتماعية الحمساوية

10 آلاف عائلة من عمال حماس اللي بخدموا بنظافة الجوامع

25 ألف عنصر من القسام

10 آلاف مواطن من أبناء حماس

15 ألف مواطن ما بين جريح وشهيد يتقاضى راتب من مؤسسات حماس خلوه ياخد جزء من المؤسسة وجزء من المنحة

بضل 30  ألف إسم ما بين أسماء وهمية وأسماء ناس ماتت من سنين بس المهم الكشوفات تتعبى وياخدها الشيخ العمادي لأسياد حماس

طيب الجهاد الإسلامي اللي مسؤلها البطش هو مسؤول المسيرات وين حصتهم وحصة الشعبية والديمقراطية قال هدول محجوبين ما إلهم ومن مين يا سيد سنوار محجوبين قال من إسرائيل

يا سيدي اعتبر إسرائيل حجبتهم وين إنتوا اللي ما تعطوهم والا همة مش شرايك معكم بالصالون المشترك قصدي غرفة العمليات المشتركة

يا سنوار ويا حماس صدقوني انا مش زعلان منكم لأن نهبتوا البلد وصار عندكم شركات وعقارات وفلل وجيبات وشاليهات و4 نسوان أنا زعلي من الجهاد الإسلامي والجبهتين والفصائل اللي حماس بالصرمة ضارباهم وساكتين ولك يا ابن الجهاد الاسلامي اصحى إلك 3 سنوات بتاخد نص مخصص وبسموه مخصص مش راتب يعني فش الك مستحقات والك 3 شهور ما قبضت ولا شيكل ولليوم ساكت ليش ساكت وهذا حقك إنت إلك متل ابن حماس انت بتقاوم  متله وأكتر منو بكفيك تضل عايش بدون راتب وزي ما بسموه مخصص وغيرك ما بعرف عدد الدولارات اللي معاه انت صرت تشحت الكبونة ورغيف الخبز وابن حماس بعمل عزايم خرفان مشوية وأسماك ولحوم

اصحى يا أبوطارق النخالة للمؤامرة اللي عاملاها حماس ضد اولادك بغزة والا انت كمان خايف منهم

ارجع لحضن الشرعية الفلسطينية وثق تماما كل الأيادي منتظرة إيديك وخليك مع رمز الشرعية الفلسطينية فخامة الرئيس محمود عباس رئيس دولة فلسطين يعني مع قمة الهرم الفلسطيني حتى يرجع اولادك للشرعية ويصير كل واحد فيهم ياخد راتبه من الدولة وليس من ميليشيات

يا حيف على بلد متل غزة كان مختارها رزين وعقلوا كبير ومدبرها ومعيش أهلها بالخير صار اليوم مختارها ولد ومش حاكم على مرته اللي سجلت نص أملاكه لأهلها وإخوتها وخواتها.

راجعين بيوم جديد وقصة هم جديدة لشعب غلبان ومضحوك عليه من شلة أرزقية






أتى هذا المقال من جريدة الصباح الفلسطينية
www.alsbah.net

عنوان الرابط لهذا المقال هو:
www.alsbah.net/modules.php?name=News&file=article&sid=48697