الرئيسية / ادب وثقافة / آمال حماد تكتب : أمي يا ريحة القهوة والزعتر والزيت

آمال حماد تكتب : أمي يا ريحة القهوة والزعتر والزيت

158558934490248900

أمي يا ريحة القهوة والزعتر والزيت
بقلم الشاعرة آمال حماد
إمّي تسع شهور حملتني
وبداخل رحمها خبّتني
بيني وبينها حبل
وهمي… سرّي فيه ربطتني
منه هوا تنفّست
وأكل غدتني
من تقطّع أنفاسها ولدتني
ريحتها أوّل عطر شمّيت
أيديها الدّفا
يلّي فيه تدفّيت
اسمها أوّل كلمة
من شفافي حكيت
عيونها النّور اللي ضوَوا طريقي
لحتي ما ضلّيت
بحضنها نسجت أحلامي
وتمنّيت
قلبها الصّندوق اللي فيه
كلّ أسراري خبّيت
جدايلها خيوط الأمل
فيهن تثبتت وعلّيت
هي ريحة القهوة
الزّعتر والزّيت
ريحة كل شيء بالبيت
بدعيلها كلّما ركعت وصلّيت
حلو الكلام عنها
ومن الحلو ما اكتفيت
عنها مهما حكيت وحكيت
بضلل مقصّرة وحقّها ما وفيت

عن الصباح الفلسطينية

شاهد أيضاً

555

د. ريتا عيسى الأيوب تكتب : لَنْ أَكْتُبَ عَنْكَ ما حَيَيْت

لَنْ أَكْتُبَ عَنْكَ ما حَيَيْت بقلم/د. ريتا عيسى الأيوب متابعة/لطيفة القاضي لَنْ أَكْتُبَ عَنْكَ بَعْدَ …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *