سحر فوزي : كل يوم قصة: المكالمة الضاحكة(4)
التاريخ: الأحد 04 ديسمبر 2011
الموضوع: قضايا وآراء


كل يوم قصة: المكالمة الضاحكة(4)
بقلم: سحر فوزي
الو...ازيك يابنى...عامل ايه فى الغربة...اطمن علينا...اهى المرحلة الاولى من الانتخابات عدت بسلام..وربنا يستر وتعدى التانية والتالتة...ومش عارف ليه من ساعة الاخوان ماكسبوا والناس نازلة


كل يوم قصة: المكالمة الضاحكة(4)
بقلم: سحر فوزي
الو...ازيك يابنى...عامل ايه فى الغربة...اطمن علينا...اهى المرحلة الاولى من الانتخابات عدت بسلام..وربنا يستر وتعدى التانية والتالتة...ومش عارف ليه من ساعة الاخوان ماكسبوا والناس نازلة اسئلة سخيفة وتريقة مالهاش داعى...قال ايه خايفين انهم يحبسوا حرية الشعب..طيب ماهو الشعب هو اللى انتخبهم..وكمان خايفين على زعل السياح الاجانب لما يمنعوهم من لبس المايوهات وشرب الخمرة..طيب مايزعلوا ده ربنا اللى بيرزق مش حد تانى...واللى عايز يدخل مصر يقعد بأدبه...هم خلاص سابوا مشكلة تدبير الاكل والشرب والاقتصاد اللى بينهار ومسكوا فى الحلال والحرام؟...طيب ما احنا كلنا عارفين ايه الحلال وايه الحرام بس بنستعبط...المهم اننا نفكر ازاى نرجع نقف على رجلينا من تانى وما نحتجش للخواجات اللى مفيش من وراهم الا وجع القلب...وده مش حيجى الا لما نبطل احتجاجات واعتصامات وبلطجة ...ونشوف شغلنا بقى.. وبعد ماكنا بنستورد ماكينات للانتاج بقينا نستورد قنابل مسيلة للدموع واسلحة نقتل بيها بعض..وامريكا تطلع تبرأ نفسها من قتل المتظاهرين بالقنابل بتاعتها وتقول انا القنابل بتاعتى زى الفل...وعايزك تطمن يابنى الحمد لله بقت المليونية اتنين واحدة بتعارض فى التحرير وواحدة بتايد فى العباسية..والتليفزيون المحلى مشكور بيعرض دروس عن اليوجا..اهى حاجة تخلى المتظاهرين يستغلوا وقفتهم..لما الواحد قرب يدخل الخانكة برجلية...ورغم كل ده الشعب المصرى زى ماأنت عارف ما بيغلبش حول ميادين المظاهرات الى أسواق تجارية بيبيعوا فيها منتجات الصين وكل حاجة متوفرة من المخدرات الى الاقنعة الواقية من الغازات...ده غير التحرش والنشل..حتى صاعق الكهربا اللى يدخل السجن بيبيعوه عينى عينك...سلام بقى لاحسن المتظاهرين بيطردوا البياعين من الميدان وعمالين يجروا ورايا...(المصريين اهم)
كاتبة وقاصة مصرية
القاهرة 3/11/2011






أتى هذا المقال من جريدة الصباح الفلسطينية
www.alsbah.net

عنوان الرابط لهذا المقال هو:
www.alsbah.net/modules.php?name=News&file=article&sid=7569